महाराष्ट्राचे उपमुख्यमंत्री श्री छगन भुजबळ यांना भेटणं हा माझ्याकरता परवा एक चकीत करणारा अनुभव होता. या भेटीची मला संधी मिळाली ती माझे जवळचे मित्र असलेल्या प्रमोद आणि शैलेश या पेडणेकर बंधूंमुळे. आणि ही भेट झाली त्यांच्या मलबार हिलवरल्या ’रामटेक’ या निवासास्थानी. साधारणपणे कोणत्याही राजकीय व्यक्तीला भेटायला मी फारसा उत्सुक नसतो. पण माझ्यावर निरातिशय प्रेम करणार्या प्रमोद्ची ही दांडगी इच्छा होती.
त्यांना भेटायला महाराष्ट्राच्या कानाकोपर्यातून माणसे आली होती. आणि आम्ही निघेपर्यंत अखंडीत येतही होती. मला अप्रूप वाटावी अशी गोष्ट ही की या सार्या धबडग्यातूनही त्यांनी माझ्यासाठी वेळ काढला.
आजच्या तरुणांना (खरे म्हणजे प्रत्येक व्यक्तीला) सकारात्मक मनोव्रुत्तीची गरज आहे याबद्दल ते माझ्याशी सहमत होते. ज्यांना भुजबळसाहेबांचा संघर्षमय राजकीय प्रवास ठाऊक आहे ते माझ्याशी याबाबतीत सहमत होतील की ते स्वत:च सकारात्मक मनोव्रुत्तीचं एक चालतंबोलतं उदाहरण आहेत. माझ्या आनंदयात्राच्या मुंबईतील पुढल्या प्रयोगाला यायचं त्यांनी कबूल केलंय. मी त्यांना ४००व्या प्रयोगाच्या सोहळ्याला प्रमुख पाहुणे म्हणून बोलवायचं नक्की केलंय.
-प्रसाद कुलकर्णी
